काठमाडौं । साउदी अरबमा बढ्दो तनावका बीच हिमालय एयरलाइन्सले काठमाडौं–दमाम र दमाम–काठमाडौं रुटका निर्धारित उडान रद्द गरेको छ।
एयरलाइन्सका अनुसार यात्रुको सुरक्षालाई प्राथमिकता दिँदै असोज २५ गतेका लागि निर्धारित दुवैतर्फका उडान रद्द गर्ने निर्णय गरिएको हो।
कम्पनीले सुरक्षा अवस्थालाई ध्यानमा राख्दै उडान रद्द गरेको जनाएको छ। यस निर्णयबाट प्रभावित यात्रुहरूलाई आफ्नो टिकट बुकिङ गरेको ट्राभल एजेन्सी वा हिमालय एयरलाइन्ससँग सम्पर्क गरी उडानसम्बन्धी पछिल्लो जानकारी लिन आग्रह गरिन्छ।
मध्यपूर्वमा विकसित सुरक्षा अवस्थाका कारण हवाई उडानमा असर पर्न सक्ने भएकाले यात्रुहरूले विमानस्थल जानुअघि आफ्नो उडानको स्थिति पुष्टि गर्नु उपयुक्त हुनेछ।
