काठमाडौं — राष्ट्रिय मानव अधिकार आयोग र मातहतका कार्यालय आगामी बडादसैँको सार्वजनिक बिदाका दिनमा पनि सञ्चालन हुने भएका छन्।
मानव अधिकार उल्लङ्घनका घटनासम्बन्धी उजुरी लिन तथा आकस्मिक प्रकृतिका घटनामा अनुगमन गर्न आयोगका कार्यालय खुला राखिने भएको हो।
आयोगका प्रवक्ता डा. टीकाराम पोखरेलका अनुसार आयोगको केन्द्रीय कार्यालयसहित प्रदेश तथा शाखा कार्यालय दसैँ बिदाका दिन बिहान ११ बजेदेखि दिउँसो २ बजेसम्म खुला रहनेछन्।
उनका अनुसार उक्त समयमा आकस्मिक प्रयोजनका लागि कार्यालय सञ्चालन गरिनेछ। यस व्यवस्थाले चाडपर्वका बेला मानव अधिकार उल्लङ्घनका घटना भएमा पीडितले उजुरी दिन तथा आवश्यक अनुगमनका लागि आयोगसँग सम्पर्क गर्न सक्नेछन्।
