तिम्रो संविधानको पाना पानामा
म रगतको छिट्टा देख्छु।
तिम्रो संविधानको धारा उपधारामा
म आफ्नो अधिकार खोज्छु।
तिम्रो संविधानको हस्ताक्षर हुँदै गर्दा
म आफ्नो छोराको दाहसंस्कार सम्झन्छु।
संविधान त देशको ऐना हो,
जहाँ म पूर्वाग्रहको परिणाम देख्छु।
राजनीतिक सहमतिको दस्तावेज हो संविधान,
जहाँ म बहिष्कारको संस्कार देख्छु।
मेरो घरमा शोक परेको बेला
तिम्रो होली उत्सवको लाल रङ्ग सम्झन्छु।
- कृष्णा यादव (विद्यार्थी)
