काठमाडौं । ग्लोबल आइएमई बैंक लिमिटेडले आफ्ना शेयरधनीलाई आर्थिक वर्ष २०८२/८३ को वितरणयोग्य नाफाबाट कुल १० प्रतिशत लाभांश वितरण गर्ने प्रस्ताव गरेको छ ।
बैंकको बुधबार बसेको सञ्चालक समितिको ४७३औँ बैठकले शेयरधनीलाई लाभांश वितरण गर्ने प्रस्ताव पारित गरेको हो ।
प्रस्तावित कुल १० प्रतिशत लाभांशमध्ये ६ प्रतिशत नगद लाभांश र ४ प्रतिशत बोनस शेयर रहेको बैंकले जनाएको छ । बोनस शेयरमा लाग्ने करसमेत समावेश गरिएको छ ।
बैंकका अनुसार प्रस्तावित लाभांश हाल कायम रहेको चुक्ता पुँजीको आधारमा वितरण गरिनेछ ।
सञ्चालक समितिबाट प्रस्तावित उक्त लाभांश भने सम्बन्धित नियामक निकायको स्वीकृति तथा बैंकको आगामी साधारणसभाबाट पारित भएपछि मात्रै वितरण हुनेछ ।
