काठमाडौं – त्रिभुवन विश्वविद्यालय (त्रिवि) को सभा आगामी असोज २२ गते बस्ने भएको छ। सभा नबस्दा विश्वविद्यालयको नीति तथा कार्यक्रम, बजेट तथा विद्यार्थीको ग्रेसलिस्ट पारित हुन सकेको थिएन।
त्रिविका प्रवक्ता नविन्द्र भण्डारीका अनुसार असोज २२ गते बस्ने सभाले बजेट र ग्रेसलिस्ट पारित गर्नेछ।
‘२२ गतेको सभाले बजेट र ग्रेसलिस्ट पास गर्छ,’ प्रवक्ता भण्डारीले भने।
त्रिविको बजेट गत असारमै पारित हुनुपर्ने थियो। तर विश्वविद्यालयका पदाधिकारी नियुक्तिमा भएको ढिलाइका कारण सभा बस्न नसक्दा बजेट पारित गर्ने प्रक्रिया रोकिएको थियो।
