४ असोज, काठमाडौं । सप्तरीको डाक्नेश्वरी नगरपालिका–६ फतेपुरबाट प्रहरीले करिब २० क्विन्टल गाँजाजस्तो देखिने पदार्थ बरामद गरेको छ।
गोप्य सूचनाका आधारमा जिल्ला प्रहरी कार्यालय सप्तरीबाट खटिएको प्रहरी टोलीले फतेपुर टोलमा भण्डारण गरी राखिएको अवस्थामा उक्त पदार्थ बरामद गरेको हो।
प्रहरीका अनुसार डाक्नेश्वरी नगरपालिका–६ का भोला सदा र मंगल मुखियाको घरमा खानतलासी गर्दा सदाेको घरबाट ५६ पोका र मुखियाको घरबाट ८ पोका गरी जम्मा ६४ पोका गाँजाजस्तो देखिने पदार्थ बरामद भएको हो।
बरामद पदार्थसहित दुवै जनालाई नियन्त्रणमा लिएर जिल्ला प्रहरी कार्यालय सप्तरीमा राखिएको प्रहरीले जनाएको छ।
घटनाबारे थप अनुसन्धान भइरहेको जिल्ला प्रहरी कार्यालय सप्तरीले जनाएको छ।
