काठमाडौं । नेपाली बजारमा बिहीबार सुनको मूल्य प्रतितोला ३ हजार ४ सय रुपैयाँले बढेको छ।
नेपाल सुनचाँदी व्यवसायी महासंघका अनुसार बिहीबारका लागि सुनको मूल्य प्रतितोला ३ लाख ५ हजार ८ सय रुपैयाँ निर्धारण गरिएको छ। बुधबार सुन प्रतितोला ३ लाख २ हजार ४ सय रुपैयाँमा कारोबार भएको थियो।
यसैगरी, चाँदीको मूल्य पनि बिहीबार बढेको छ। चाँदीको भाउ प्रतितोला १०५ रुपैयाँले वृद्धि भएको हो।
बुधबार प्रतितोला ४ हजार ७५० रुपैयाँ रहेको चाँदी बिहीबार बढेर ४ हजार ८५५ रुपैयाँ पुगेको महासंघले जनाएको छ।
