काठमाडौं । गोकर्णेश्वर नगरपालिका–५ स्थित टाइमलाइन स्कुलमा कक्षा १० मा अध्ययनरत १६ वर्षीय विद्यार्थी मुमेन श्रेष्ठ बेपत्ता भएका छन्।
श्रेष्ठ असोज ४ गते आइतबार बिहान करिब ६ः३० बजेदेखि काठमाडौंको गोठाटारस्थित पहिलो पुल आसपासबाट सम्पर्कविहीन भएका हुन्। परिवारका अनुसार श्रेष्ठ गहुँगोरो वर्णका र करिब ५.५ फिट अग्ला छन्।
बेपत्ता हुँदाका समयमा उनले निलो ट्रयाकसुट लगाएको परिवारले जनाएको छ। उनको खोजीका लागि परिवारले प्रहरी प्रभाग काँडाघारीमा निवेदन दिएका छन्।
प्रहरीले खोजी कार्य जारी राखे पनि हालसम्म श्रेष्ठको अवस्था पत्ता लाग्न नसकेको जनाएको छ।
श्रेष्ठलाई देख्ने वा उनको अवस्थाबारे कुनै जानकारी हुने व्यक्तिलाई नजिकको प्रहरी कार्यालयमा जानकारी गराउन परिवारले अनुरोध गरेको छ।
साथै, ९८५११५१८३४, ९८२३००३५२७ वा ०१–४९१०१७७ मा सम्पर्क गरिदिन परिवारले आग्रह गरेको छ।
