काठमाडौं । प्रधानमन्त्री बालेन्द्र शाह ‘बालेन’ले आज प्रतिनिधिसभाको बैठकलाई सम्बोधन गर्दैछन्। प्रधानमन्त्री शाहले भोटेकोशी बाढीपछि सरकारले सञ्चालन गरिरहेको खोज तथा उद्धार, राहत र पुनःस्थापनाका कामबारे संसदलाई जानकारी गराउने भएका छन्।
प्रतिनिधिसभाको बैठक बुधबार दिउँसो १ बजे बस्ने कार्यसूची रहेको छ। प्रधानमन्त्रीको सचिवालयका अनुसार सम्बोधनका क्रममा भोटेकोशी बाढीबाट प्रभावित क्षेत्रको अवस्था तथा सरकारले सञ्चालन गरिरहेको उद्धार र राहत अभियानबारे जानकारी दिइनेछ।
भोटेकोशी क्षेत्रमा आएको विनाशकारी बाढीपछि रसुवा, नुवाकोट, धादिङलगायत प्रभावित क्षेत्रमा खोज तथा उद्धार कार्य जारी छ। विशेषगरी बाढीबाट प्रभावित हाइड्रोपावर आयोजनाका टनेलमा फसेका हुन सक्ने व्यक्तिको खोजीमा उद्धार टोली केन्द्रित छन्।
बाढीबाट ठूलो जनधनको क्षति भएपछि सरकारले उद्धारसँगै राहत, उपचार, विस्थापितको व्यवस्थापन तथा पुनःस्थापनाका काम अघि बढाइरहेको छ। प्रधानमन्त्री शाहले संसदमार्फत सरकारको हालसम्मको काम र आगामी योजनाबारे जानकारी दिने अपेक्षा गरिएको छ
