काठमाडौं । सुनका गरगहना चोरी गरेको आरोपमा प्रहरीले एक युवकलाई पक्राउ गरेको छ।
पक्राउ पर्नेमा रामेछाप नगरपालिका–१ घर भएका २३ वर्षीय दीपेश मग्रान्ती रहेका छन्। उनलाई काठमाडौं उपत्यका अपराध अनुसन्धान कार्यालयको टोलीले पक्राउ गरेको हो।
प्रहरीका अनुसार मग्रान्तीले भदौ २९ गते काठमाडौंस्थित एक घरबाट सुनका गरगहना चोरी गरेको आरोप छ। घटनापछि अनुसन्धानमा खटिएको प्रहरी टोलीले सोही दिन साँझ उनलाई पक्राउ गरेको हो।
पक्राउ परेका मग्रान्तीको साथबाट १३८ ग्राम बराबरका सुनका गरगहना बरामद गरिएको प्रहरीले जनाएको छ।
घटनाबारे थप अनुसन्धान भइरहेको प्रहरीले जनाएको छ।
