काठमाडौँ — नेपाली कांग्रेसको जारी १५औँ महाधिवेशनको उद्घाटन समारोहमा ७५ वर्ष पुरानो ऐतिहासिक दस्तावेज सार्वजनिक गरिएको छ। कांग्रेसको प्रारम्भिक सदस्यता प्रमाणपत्रसहित उपस्थित ९४ वर्षीय मथुराप्रसाद श्रेष्ठलाई सभापति गगनकुमार थापाले विशेष सम्मान गरेका छन्।
वि.सं. २००८ साल मङ्सिर २६ गते जारी गरिएको प्रमाणपत्रमा गुल्मीको तम्घास साहु टोलका तत्कालीन १८ वर्षीय श्रेष्ठले कांग्रेसको प्रारम्भिक सदस्यता लिएको उल्लेख छ। उनले वार्षिक १ रुपैयाँ वा १ रुपैयाँ २५ पैसा चन्दा बुझाएर सदस्यता लिएका थिए।
प्रमाणपत्र नम्बर २८३१७ रहेको उक्त दस्तावेजअनुसार श्रेष्ठले वि.सं. २००७ चैत २६ गते १८ वर्षको उमेरमा तत्कालीन पार्टी सभापति मातृकाप्रसाद कोइरालाको हातबाट सदस्यता लिएका थिए। प्रमाणपत्रमा कोइरालाको सभापतिका रूपमा तथा नेपाल प्रजातन्त्र कांग्रेसका संस्थापक महामन्त्री महेन्द्रविक्रम शाहको हस्ताक्षर रहेको छ।
